查看完整版本: [原創]暗戀....比明戀更甜...(我的故事)

[原創]暗戀....比明戀更甜...(我的故事)

好記得我中四既時候...有一次小息時0係操場飲野...
見到我身邊有一個低我一Form既女仔企左0係度...我認得佢...因為佢同我同一層樓...平時佢行過我都冇咩留意...但果日突然對佢有一種感覺...唔識形容...好似睇得特別清楚...發覺佢輪廓都幾靚...
果日之後...我開始留意佢...早會時會望佢排隊...由於我先上課室既關係..岩岩我又坐0係門口果排...
每日佢行過我都可以望到佢...有時...我心諗...呢d係咪真係緣份呢...平時成日見佢行過冇感覺...但居然無啦啦又對佢有感覺喎?佢讀3D...成績唔叻...果時我諗...如果佢升唔到中四我咪見唔到佢囉?...突然我諗出一個白痴既辦法...就係寫信比佢...大家唔好呀....1998年係興呢D傢...哈哈....
我諗左一晚...諗到一個辦法...知道佢坐咩位...知道佢幾時唔0係班房...然後我就作自己係第二間學校既男仔...扮想識佢...咁岩有個朋友同個女仔同一間學校...就叫我朋友幫我比信佢放0係佢櫃筒度...呢個辦法好白
痴..但最終都做左...0係某日既LUNCH...我放0係佢櫃筒...到放學時...望到佢櫃筒唔見左封信...好開心...好期待佢聽日會唔會覆我信呢?....信中所寫既野好簡單...講我係邊間學校...想同佢做筆友....問下佢平時玩d咩....第二日既lunch...再去佢班房..佢真係有回信...佢仲講比我聽佢鍾意做d咩....就係咁...我就做左佢隱形筆友了...到第二封信...佢話佢有男朋友...但我反而冇咩唔開心..因為..一個咁好既女仔...有人要唔出奇...最緊要我每日都見到佢...我都好開心...男仔之中...我係比較被動....但...呢種感覺..我覺得比明戀更開心...
因為...我唔會同佢鬧交...見佢笑..我就笑...見到佢做d白痴野..我又會笑埋一份...有時...我0係班房見到佢0係出面經過去廁所...佢望入黎望到我...我例必扮唔望佢...我唔敢正面望..怕比佢發現.....
大約...傾左幾個月吧..同佢咩都傾...知道佢既野更多...我叫佢比心機讀書..要升上中四...
最記得有一日..我如常lunch拎信...到佢班房見唔到有信..正當我諗緊之際..見到佢行左入黎...哇..我面都紅埋扮掉垃圾之後扮無野行番出去....心想.."死啦....比佢發現了
好彩之後佢都冇講呢件事..冇懷疑我...但果日之後...我覺得我同佢既eye contact多左好多...排隊望佢時會見到佢望過黎...班房出面經過佢又會望住我..但二個又會好快閃開眼神....就係呢種感覺我到依家都好記得...雖然唔係一齊....但起碼佢在意我...唉....到左學期尾...佢考試要0係禮堂考...我話等佢考完我地再聯絡..考完果日會擺0係佢班房度...可惜....佢冇拎到....我地既通信亦都結束了....

之後....我升上中五...開學果日我即刻走去睇中四既list...見唔到佢個名...預左了...希望佢開心果疊信...我保存左幾年....佢亦寫左一封歌詞比我..."喜歡你"....我唔知佢咩意思...但...我擺0係銀包keep左幾年....爛到貼哂膠紙....好可惜...果疊信0係搬屋時唔見左....而張歌詞..到我有新GF時都掉左了.....唯一留低既...係佢既考試卷...冇錯...我0係教師室偷左..哈哈...但一直到依家...得閒就拎出黎睇...
同埋...佢個樣....隔左9年了....我仍然好記得佢既輪廓.....
雖然冇一齊.....但感覺好甜....

[[i] 本帖最後由 jasonlovesandy 於 2007-2-1 06:22 編輯 [/i]]

不過暗戀係唔結果家wo

多謝你拿出勇氣跟我們的分享....

*** 作者被禁止或刪除 內容自動屏蔽 ***

呢個貼值得加分啦..同埋寫得5錯

對呀.....


始終.......沒開始既戀情比開始左既更加動人........



樓主....之後你地都冇聯絡呀.......???  唉 icq都冇咩??? 1998年應該有喇wor.....

偷偷的戀~
倒不如大聲說出
只要沒遺憾便成了:013:

我都好明白你既感受

不過你肯咁樣做
已經好大膽............
我個陣都係搵機會可以引佢注意ja...........
但都好開心

回復 #2 ╳×'crazy男 的帖子

暗戀無結果架
同佢講啦

雖然我都覺得暗戀係會冇結果
但係只要見到個女仔開心
自己都會覺得開心
我都有試過好似你咁
我好同意你講既野

其實我覺得暗戀冇咩問題

你係真心去愛一個人

你要為佢設想,,即使佢吾係愛你

盡力令佢幸運''快樂*