查看完整版本: 相信一生一世的愛嗎 ? 對我黎講...

相信一生一世的愛嗎 ? 對我黎講...

其實我自己不嬲都相信
相信可以同自己既愛人一生一世
相信同自己中意既人可以好開心咁一齊落去
但係相信又點..根本同現實又係另一回事
始終幻想同現實完全係存在係唔同既空間
同自己中意既人一齊~過左一段日子...自己好似變得唔再重要...
愛人對自己冷淡...
再勉強一齊落去...可能可以一生一世
但係咁樣會快樂會滿足嗎?
對自己愛人既果種關懷..對愛人既尊重..所有所有對佢既好
只係希望佢可以感受到..真係完全唔渴望有任何回報
只要係聽到佢既任何一句關心..感謝..既說話其實對我黎講已經足夠

仲記得我地點開始嗎 ?
果陣係X'mas跟你表白..
我送左一條有你個名既電話繩比你
"你願意做我老婆仔嗎?"
就係咁我地係埋一齊..果陣覺得個天對自己好好..
比左個機會我同你一齊..

第一次見你就已經一見鐘情
你係我中意既類型
你係一個好識關心人..開朗..好動..可愛既女仔
雖然朋友覺得你唔好..
但係我果陣真係認為佢地只係未熟識你
所以唔知道你有幾好..
我冇理會佢地..
每當我同朋友講起你..唔知點解我都會好開心
真架..因為我覺得自己冇揀錯

第一次送你放學..第一次約你睇戲
我都唔會忘記
你可愛而傻傻地既笑容..你每一句說話..我都好中意

第一次同你差D分手係因為一枝人地送比你既花
我冇親眼睇到成件事..只係朋友講番我知
我冇問到你..
個心係有D唔舒服
開心既係你之後解釋番件事我知
或者我果陣唔應該對你講悔氣話..
唔開心既係你唔明白我既感受..
吃醋係等於小氣嗎?
難道可以若無其事咁睇住自己女朋友同其他男仔傾得咁好?
如果係咁樣我覺得男既根本唔著緊自己中意既人
點解你就唔會感受到我對你著緊
後來我道歉..因為我覺得自己都有錯..我唔想你嬲左我
我仲想同你一齊我仲想見到開心既你

有時真係唔多明白..
以前既你到底去左邊度
我只係想再見到以前既你而唔係而家呢個冷淡既你
我好開心你問我中意白朱古力定黑朱古力
我好開心你話送比我
我唔介意你只係買給我而唔係親手整比我
我唔介意你對我講唔中意可以不要
我介意既只係你係咪有心想送比我

我買左一對情侶戒指..上面刻有我地既名
本來想約你係果日放學睇戲前送比你..
但係當你問我點解我係都要約你果陣..
我真係唔知可以比咩反應..我果陣個心真係跌到好深好深
我只可以同你講唔緊要..下次再睇..但係我根本就唔想咁..
我好想同你過第一次情人節..唔通咁樣都唔比機會我..
我覺得你好似避緊我..

我覺得我地之間好似有個隔膜..即使係一對情侶..但係卻好似一對普通朋友
果種感受我係好難受..我好想對你講我既感受..但係我冇勇氣
我喊過..一個男仔竟然為一個女仔流淚..好笑吧..好蠢吧
我唔想比你知道..我每次只係收係心中..
每次都好假咁對住你..但係我個心真係好傷了

或者我地一開始就係錯啦
可能係我太渴望得到愛..可能係我太急進..
可能我未太了解你
想放棄..但係我真係唔甘心..
或者朋友講得岩..我每次用情都好深好深..
但係唔通用情太深換得既都只係唔開心 ?
真心去中意一個女仔唔通換得既就只有唔認同 ?
唔通自己中意人就可以睇唔出我付出既愛嗎 ?
我唔想去相信..

隻戒指可能仲未係時候送比你..
等待嗎 ? 我而家真係唔知心中既答案
你以前成日問我有冇後悔識到你..
我可以好認真咁答你..絕不後悔
我真係覺得識到你係我既福氣..即使係而家我都依然咁諗
你永遠逗留係我思海中揮之不去
你係我既心中每日與我共對
期望你伴著我可以嗎 ?
我只係渴望可以繼續愛你..
我好想改變而家既局面..好想好想同你好幸福咁落去

唔好咁唔開心,hk大把女仔,
你係一個好男仔,自然有女會仲2你
我就唔會啦,我係usa
我有唔仲2usa女仔
一個女仔話等我,之後佢都有左第個
唉

誰今天要我愛她一生一世
誰明天把我忘得一清二楚

一生一世的愛  我看你還是算罷
一天的愛己經普遍了
一生一世的愛   她當你只是玩具
一天的愛也許太多了

既然大家也是失戀 我也不怕向你說說我的經歷
你算慘嗎?
太可笑了, 她起碼還有拒絕你 , 當你是朋友
我呢?
她的一句" 你是誰"  己經刺穿我的心
就像失憶一樣  她忘記了我
我也不知道原因  
我能怎樣?
我就從她的記憶內刪除,我可以怎樣
本來她己經說要和我明天一起渡過
結果 , 就是一句 "你是誰"
對了,望著鏡子的我, 問了自己: 我是誰
當一個人不再須要你的時候
讓她走吧
她不再是枉日與你同甘共苦的好情人
她己經是今天把你傷得最深的墮天使
面對她, 不要任何理由
不要想任何東西
原要想昨天她是怎樣對待你
看清楚今天她是怎樣傷害你
朋友 . 開眼吧
開眼去看清楚她
一生一世己經是笑話了
哪怕是一秒 她其實是在玩你
一個玩弄感情的人
介子嗎?
一隻介子就想一生一世了?
傻了
人是世上最聰明的動物
心也是變得最快的東西
因為有了比較 所以你被比下去
比下去的你只會令她覺得你煩
不如學我
放棄 , 有時就是最好的解決方法


                                               by諾

你係好男仔,她不懂欣賞,總有女孩欣賞你,吾好因一次失敗而改變~support you~:001:

[quote]原帖由 [i]ronlaw[/i] 於 2007-2-13 20:46 發表
吃醋係等於小氣嗎?[/quote]
吃醋乃人之常情也

87

有時真係唔多明白..
以前既你到底去左邊度
我只係想再見到以前既你而唔係而家呢個冷淡既你


其實你自己本身有冇諗過自己有咩問題令到對方對你冷淡
我深信一對情人嘈交&感情冷了下來,,一定係雙方各自有d問題先會咁...
有時當問題出現在不彷試下諗下自己有冇問題先...不要一開口就話對方對你冷淡...試問一個真心愛你既人會唔會無啦啦對你冷淡下來先...如果你身邊果個話因為時間耐了,,覺得悶話而而對你冷淡既話,,,講真呢d女仔,,你自己想下值唔值得你去愛先...

愛情從來冇話咩甘唔甘心嫁..你要記住即使今日傷害左你心既女仔...其實當日係你自己簡佢出黎..

唔好覺得自己同佢既開始係錯,,冇人一齊拍拖會錯,,錯只係錯在你識唔識同佢一齊之後大家去溝通,,大家努力去維持雙方既感情

付出過後唔一定會又即時回報,兆6係我想講你既付出一定會有人睇到...

講真,,愛情係一個好大既學問...一定要兩個人共同付出,,最後先會得到幸福既回報

只要兩個人相信
而且肯為對方付出與犧牲
就可以了

老實說.......樓主唔駛咁傷心
既然個女仔都唔肯要你......
你又何必傷心..........
終有一天........佢會後悔
呢個時候.......你就只好等佢la......
如果覺得等得好辛苦........
就努力工作吧la~.......
就算佢唔返來.........佢都係你心中的人ma.....
never give up!

睇完我覺得我自己冇咩資格可以點話你
因為我本身未拍過...
雖然都幾想試下聽情歌看見朋友有果時
真係好想自己有一個係旁邊和我一齊解悶訴苦
但係我覺得如果想有長久既愛情就一定要等
等真愛既來臨
有時一見鍾情都只係有好感都冇充分既了解對方
這些我覺得一定很快便玩完.....
所以只好等吧.......
現在只好積極裝備自己
等到有時要好好把握機會.......
一個戀愛初哥既天真想法...

其實你係好男仔,她不懂欣賞, 香港  女人多過男人唔怕 la later 人定有個新ge
你又何必傷心 呢~~等真愛既來臨先會得到幸福

唔好咁ｌａ　呢個世界其實真係幾現實．．雖然我都相信係有一生一世．．不過每個人生入面會遇上好多唔同ＧＥ人而改變左佢地一向ｇｅ生活方式惑者念法ｇａ．．今次遇唔到咪努力咁等下一次ｌｏ．．唔好傷心ｌａ　過去左ｇａla

老套講一句,因誤會而結合,因了解而分開

唔好唔開心喇~一切隨緣,做人最緊要問心無愧

明天會更好 =]

信,我老豆92歲了,我媽90歲,他們還是相愛

*** 作者被禁止或刪除 內容自動屏蔽 ***

你係一個好男仔...係好仔ge自然會有女仔中意..你都唔洗傷心啦,,