raymondchan 2008-7-5 11:45
投拆!!!奸商:有線寬頻!!!!
我地同----->有線寬頻<----簽左一年合約,每個月月費為159蚊
大約半年前,我牙媽張信用卡比盜,佢地扣唔到錢,就每個用收多我地60蚊,重日日打電話黎煩我牙媽,我牙媽頂佢地唔順,就叫佢地fax張月費單過黎一次過交晒,之後我地每個月都係7-11交,大約交左2個月,佢地又打黎,話要每個月交多60蚊手續費,因為佢地唔可以信用卡過數,產生60蚊手續費,我就問佢地:我一早已經講左信用卡過唔到數,我問過可以用7-11過數,而家你又罰錢,玩野?
佢咁答我:因為你每個月13號就要過數,所以你要係13號之前交,而係7-11有3-4日既過數時間,如果我地係13號之前收唔到就要罰60蚊(你唔早講?),我罵返佢地,我上2個月打電話已經問清問楚,我問係未係7-11交就冇問題,佢地話係,而家過左2個月佢先黎講返要係13號之前要過到數,係未玩野?不過我呢次都算照交返,最近一次重離譜,佢前幾日又打電話黎又話我地交小左124蚊,我打電話去問返,佢話我係5月個陣交小左2蚊手續費,個陣時我冇單係手,就問佢,我5月交小左2蚊你而家先講?
佢話我應該知道,唔使佢提醒,就咁就罰多2個月,姐係由半年前,我一直交221蚊月費(159+60+2手績費),我把幾火,cut左佢線,搵返5月張單出黎,我睇過明明冇交小2蚊,再打電話去同佢講,呢次佢重離譜,話我5月份冇交小到,而家推到話3月交小左2蚊(玩野?),而家我點搵返3月張單出黎...
,我問佢3月交小左2蚊你而家先講?唔好出年先講?小姐,而家7月,你計下數,差不多半年,你就每個月罰多我60蚊,係未玩野?我問到佢冇野講,佢重要講,麻煩先生交返124蚊,如果唔係45日後就會cut你上網線,如果個陣要開返要交多150蚊開通費(威脅我?)
以上每一個字都係真話
有線寬頻一間大型上網公司,就係為左呃我地呢d小市民錢
可能唔知幾時幾日,你地又唔知幾時交小2蚊比佢罰錢
而家大型公司大晒?佢屈得一個就一個,唔知有幾多人冇出聲,佢屈我第一次都算,佢屈埋我第2次
而家我地好好蝦?你要幾錢我地都要比你?你而家咁大間公司邊個養你地?咪又係客戶
係度呼籲大家,唔好再幫親---->有線寬頻<--------佢地屈得就屈,我係度懷疑今年會考題目係未佢地出,真屈機.就算而家用緊合約,合約後唔該轉一轉公司,我既個案好可能只係冰山一角,真係唔知有幾多人比佢地屈機....
麻煩大家頂一下這篇文章~~~多謝晒~~
Natsume 2008-7-5 12:04
我都係有線寬頻的用戶！
雖然交錢方面！
係有d馬煩！
但係今次，
睇完你咁講，
係佢地冇講清楚，
所以，應該係佢地做錯！
樓主我支持你！
我未試過e d = ="