查看完整版本: 愛佢……有時會好辛苦!!!比D意見我

愛佢……有時會好辛苦!!!比D意見我

我同我女朋友已經拍左拖有幾個月架啦，感情比起其他情侶已經好好多!!!我地無野唔傾，即使係好私隱既野都會講比對方聽!!!但係佢同佢之前D男朋友都未拍拖長過一年!!!我同佢係讀同一班架，但係佢同我拍拖之前，佢曾經中意過班上其中一個男仔，佢地仲曖昧過一排，但係個時我已經同佢幾熟，因為我知道佢成日都因為之前男朋友飛佢而唔開心，佢一唔開心既話，就會搵我傾計!!!我都會成日打電話比佢同係MSN安慰佢既!!!佢係個D同男仔玩得埋既女仔黎既，我知道佢之前D男朋友都係因為呢D野而成日呷醋!!!
同佢曖昧過一排個個男仔由於成日對佢忽冷忽熱所以我女朋友就放棄左佢了!!!佢同我講過，話::當佢有唔開心既時候，都會第一時間諗起我架!!!其實我個時已經講左中意佢，咁我梗係開心啦!!!但係我同左佢一齊之後，就開始煩啦!!!由於佢咩都會同我講，所以佢之前男朋友一直都有同佢傾計呢樣野都有話比我知!!!我就諗講左比我聽，好過我自己唔知丫= ="!!!佢又同講，原來班上有幾個男仔都有同佢表白過，我又知道左呢樣野!!!
近排，我同佢行街，由於佢同佢之前男朋友有傾開MSN，就知道左佢之前男朋友係某一間糖水店做WAITER!!!我同佢之前男朋友都係住係將軍澳既，佢同我講想睇下，咁我咪話去睇下囉!!!佢又唔敢入去，淨係係出面望!!!咁算啦，但係佢係咁係到傻笑囉= ="佢話見反之前男朋友，個心甜絲絲咁= ="有種好甜既感覺!!!唉!!!我聽到…之後個心梗係灰啦，但係唔知點解，我見到佢笑，我又會係度笑<係真心笑出黎>!!!明明個心係酸酸溜溜咁，但係我又會笑!!!唉……
同佢出街，都唔係次次都係咁既!!!有時真係好好好開心，可能大家都超白痴掛!!!有次一齊，送我朋友機，我女朋友陪我!!!搭車個陣，梗係傾計啦!!!佢講起班上中意佢既男仔，就係個陣我知道左其他男仔點對佢好!!!其中一個男仔，知道佢中意食日本野，會唔睇價錢咁就衝入去食!!!另一個男仔就係咩事都會企係佢個邊!!!同佢曖昧過個個男仔，就係好識哄佢開心!!!我聽到之後，真係好心酸，就會覺得自己比佢地差，但係佢又話我比起其他男仔都更有安全感!!!本來我係個D唔會係其他人面前喊既男仔黎!!!但係都眼濕濕咁><"一齊走個陣，搭機場吧士出反去，一齊聽緊歌，聽到陳小春個隻<我不是偉人>，個時係攬住左一齊聽!!我隱約聽到佢D喊聲，即刻問佢咩事!?佢話好想喊，又諗反之前D野!!!我又唔知點解，我一見到佢喊，我又喊埋一份，我仲要係喊都收唔到聲!!!以前都係我哄反佢，而家反而要佢哄反我，可能我好多年都冇喊過啦，係我呢一生都冇喊得咁勁，最勁都算係呢次!!!喊足成個幾鐘囉!!!經過我地感情又+深了，因為佢話唔單只開心既野，可以同我分享!!!唔開心既野都得，連喊都可以一齊喊!!!佢就話愈黎愈中意我了!!!我自問我唔係一個好情人!!!我個樣都OK架，唔算樣衰啦= ="!!!但我已經盡量做到最好!!!我屋企家境不錯，我都唔洗出黎做暑期工!!但係又未有錢到可以唔睇價錢食野，我做唔到!!!我都唔係一個好叻哄女仔既人，不過普普通通既招數都識既= ="佢話同我一齊好開心，冇咩煩惱，所以肥左= ="!!!我咩時間都比晒佢，只要佢搵我OR想見我，我真係隨傳隨到!!!雖然我有同其他女仔玩，但係我都唔會話玩得好埋!!!
有時同佢傾計，可能佢會無啦啦話::咁我搵第2個，唔要你啦!!!我係一個唔識嬲人既男仔，好難先會發火，所以次次都係我哄反佢，即使係佢講錯野，我扮嬲個陣!!!但係佢有時都會哄反我既，不過少囉= ="!!!但係佢同其他男仔唔係咁架，整嬲左人，會哄反人架!!係對我先咁衰，成日都用我愛佢呢樣野黎威脅我!!!又會話::<你唔好中意我囉>!!!我都係平常人，見到佢對其他男仔好，我都會呷醋架!!!有時見到咁樣，真係心都灰晒!!!但係我慘就慘在，我愛佢從來都唔會變!!!對佢既愛，到而家我都只有加，沒有減過!!!
我有時都會講下粗口架，但係佢唔中意，我已經少講左好多啦!!!有時我唔小心，爆左一句出黎，佢又會話我呃佢!!話::明明應丞左佢唔講粗口!!咁有時，口快快講左，我都唔知架-3-"唉…………我都知衰啦…><"
同佢一開始拍左拖2個月，我同佢行左去海滂吹下海風，傾下心事!!!突然，我地班一個男仔打比佢，我都識既!!!個個男仔有女朋友架啦-X-"我女朋友竟然係電話同佢講::傻豬黎既，我會掛住你架MA!!!仲要當住我面前講，心酸到死，心諗自己係咪比佢玩緊呢!?係我面前講呢D野都算，因為我知道佢之前都係咁樣!!!仲要係我面前，講得鬼死咁開心，我會呷醋架MA!!!我已經扮到冇野咁，但係自己又唔係影帝，所以唔多唔少都會黑口黑面囉- -"佢係一個好細心既女仔，佢好了解我!!!一見到我咁樣，就知道咩事了!!!所以CUT左電話，就開始佢第一次既安慰我!!!個次大家都一齊係度喊，大家傾左幾個鐘先知道大家都改變好多!!!其實我之前都有拍過一次拖，但係我個時又唔理女朋友，又用粗口罵佢!!!都唔當佢係女朋友，但係我之前女朋友一直都仲對我好好!!!個時我可以話係人渣!!!本身係個女仔中意我先既，咁我咪同佢拍下拖囉!!!個時我以為我自己可以好瀟洒咁抽離，點知係唔得!!!我個時愈黎愈中意我之前女朋友，但係已經為時已晚，到我中意佢個陣，佢已經開始對我淡了!!!即使到我中意佢，但係我都係咁衰!!!佢話分手個陣，我都冇挽留過佢!!!個個朋友都話我係＊＊仔，咁好既女朋友都唔識得珍惜!!!但係而家既我係180度轉變，我咩都會就晒我女朋友，佢唔中意做既野，我唔會迫佢做!!!次次去街，無論點都好，都會送佢反到佢屋企樓下!!!咩大時大節都會同佢過!!!我咩事都會同佢講!!!都唔會罵佢-(除非佢真係做錯野啦，就會話下佢啦= =")-!!!
我女朋友之前又係咁，對男朋友好差，從來都唔會比錢同付出，全部都係之前D男朋友比晒!!!佢有咩唔中意，就會成日都同佢地講分手!!!好似佢之前D男朋友遲到超過15分鐘，就會即刻走人，仲要講分手!!!搞到我女朋友去到好中意佢地既時候，佢地就離開左我女朋友，搞到佢好傷心!!!係次次拍拖因為呢個原因先會散!!!都係佢講反，先諗反原來佢咁耐以黎，都冇同我講過呢句說話!!!其實我好感動架!!!因為佢都改變左好多!!!冇好似以前咁成日發脾氣!!!佢好清楚我，我中意咩，佢都知道!!我D小動作係咩意思，都會知道!!!有時我講既語氣有小小改變，佢都會知道-X-"佢對呢D野好敏感= ="

回復 樓主 的帖子，接續上面

我唔係一個桃花旺既人，但我女朋友係>X<"好多人都中意佢同追佢!!!我之前都會好驚佢比人搶走架，但係我而家唔驚了!!!因為我相信佢!!!但係有一次，我聽得出佢D語氣就D怪就知道佢有事了!!!我問佢咩事，佢話唔知點解無啦啦對我既感覺減弱左，我差D心都碎埋!!我以為咁就要GAME OVER了!!!!點知佢又話，有時覺得拍拖都幾辛苦!!!有時佢會想自己一個人…我都明白既-0-"但係我聽到之後，成晚都訓唔著囉- -"辛苦><"個心 LAW LAW亂咁!!!

咁好似有一晚咁，我同佢同埋佢個女仔FD出街，我同佢地都玩得好開心架!!!有講有笑!!跟住我個FD反完工，都黎埋!!!點知，氣氛就開始怪啦!!!咁我女朋友識我個FD既，咁咪同佢傾計囉!!!傾傾下，我個FD竟然搭隻手落我女朋友個肩頭，不過好快縮左- -我見到，就開始唔多LIKE!!!跟住我可能講錯D野，我女朋友就笑住咁話::嘻嘻，好囉，咁我同你個fd去拍拖啦!!!佢仲要勾住我個FD隻手囉，雖然係7-8秒度，不過見到呢D畫面!!真係超唔開心囉!!!究竟係咪我小氣呢!?我自己都唔知>X<!我即時又黑起塊面，想扮開心都做唔到了!!!因為真係好HURT!!!我真係好想發脾氣走左去架，不過我知道我走左去，一定死梗，所以一直都冇走到!!!我同佢講野，佢又開始唔理我!!!我又唔知咩事，我又冇講錯野，都冇做錯野><"佢淨係粒聲唔出咁!!!我好心痛，心諗我究竟係咪愛錯人，係咪上天比我既考驗定係懲訓呢!?真係好辛苦!!!唔知點解，一有其他男仔係度，我女朋友都唔會點理我!!!我真係想問::你知唔知道，呢種感覺有幾咁難受!!??因為我都唔似你男朋友，理其他人多過理我!!!唉……心如止水!!!

我同我個FD送埋佢地反左屋企，我就SMS比佢，問佢做咩唔理我!?佢就話，佢有一刻好想自己一個人!!!我就話::你同我講咪得囉，我唔會唔比架波!!我唔係一個好細心既男仔，唔知道你諗咩架><"我比其實男仔優勝既，就係我個心!!!我相信我比任何人都要愛你!!!佢又話::我都唔想架，我好努力架啦，但係我控制唔到我自己><"我又話:我明架，我有時都係咁，你同講我就得架啦，我會比你自己一個人靜下!!!跟住講講下，佢就同我講對唔住!!我話::我愛你架MA，咁小既事影響唔到我地既^^"!!!咁就冇咩事啦，第2日照常出街玩!!!

近排，我有個FD失戀，因為佢女朋友只係讀中3，我個FD大過佢3年!!!佢女朋友升中4，要大考，就話考完試之前唔好搵過佢住，我個FD就傻傻的等，等佢考完試，期待考完之後出街一齊玩!!!個陣佢地已經一齊左3個月度，不過考完之後，佢女朋友竟然同佢講::我對你冇晒FEEL!!!我個FD係第一次拍拖，但係佢對女仔又係好到加零一，同我一樣又係隨傳隨到!!!但係佢有時就會發下脾氣囉!!!我個FD就問我應唔應該乞留佢…我問埋我女朋友既意見，佢就話::唔好!!!如果真係中意你個FD既話，一定會搵反佢!!!而家又放暑假，我個FD又冇人陪，可能我同我女朋友出街都會叫埋佢一齊黎既!!!唔知我一開始係咪做錯決定，我個FD開始同我女朋友熟左= ="又變到理其他人，多過理我!!!慘!!!唉……仲要叫得鬼死咁親熱，好似當我冇到咁= ="小鋒鋒前，小鋒鋒後!!!究竟佢想點呢!?我應該比咩反應!?

有一次，我女朋友同我同我班FD去睇戲，睇子夜場，未夠鐘，一齊去左食糖水，又係理其他人多過理我!!!入到戲院，未開始播戲!!!我女朋友就係度搞人同滅人，被我女朋友叫做小鋒鋒既FD，就話::你男朋友仔會呷醋架!!!我女朋友又話::佢唔會架…!!!佢講完呢句，又係度滅人了!!!根本冇問過我囉= ="!!!唉…我同我女朋友之後去左小鋒鋒屋企訓，未眼訓住﹐就係度用PPS睇戲!!!我坐中間既…我女朋友都要隔住左我係度摸小鋒鋒隻手，話::好滑丫!!!我心諗::有冇當過我係你男朋友架!?當我唔係度咁!!!唉…佢仲要格硬拖住小鋒鋒隻手，仲要係拖比我睇囉!!!仲要同我講::你睇下…我拖住小鋒鋒隻手丫!!!見到之後，勁心痛囉!!!個一刻，我勁眼火爆，勁想走，勁想講::我反屋企，我走先!!!唉…不過都冇咁做到!!!點解要咁對我呢!?好似係度折磨緊我咁!!!你唔中意我，咪出聲囉………咁我都會祝福你同你中意既人!!!係我面前咁樣，算點姐!?迫我同你講分手!?

個晚既第2日，我照樣送左佢反屋企，我先再反屋企!!!不過我同我女朋友係車，一句野都冇講過……佢又唔講野，我又唔知講乜好!!!問佢一句野，佢就答一句!!!勁無奈囉!!!唉……我心諗::唔通佢又想自己一個人，所以我都冇多講野!!!平時，我送完佢反屋企，佢又會同我傾電話傾到反屋企架!!!不過今次冇……我反到屋企，腥信息比佢!!!我問佢，做咩無啦啦對我咁冷淡，又唔出聲!!!佢就話::我想分開下!!!我知道左之後，係咁係度喊!!!我問::你係咪對我無晒感覺啦!?佢又話::唔係…!!!好唔知點咁!!!我又問::你係咪中意左小鋒鋒!?佢話::我一D都唔中意佢，我只不過係玩下姐，完全無關痛癢!!!我又問::而家即係分手!?佢話::唔知…係掛!!!我話::嗯…咁而家有咩都唔怕講啦!!!你有冇野想同我講丫!?佢話::咁你呢!?我話::呢幾個月你教識左我好多野，溝女既技巧你有教我，係你話比我知女仔既心理!!!多謝你!!!佢又話::你唔好為我而喊丫，我相信一定有人比我更中意你架!!!呢幾個月係我一生之中最開心…多謝你!!!無你…我唔知我比人去愛係咁好架…我真係好中意你好愛你…不過我唔想會有一日你講分手呢一刻!!!我自私D我講先…我好想我係你心目中一生都係咁愛我!!!我地仲係唔係朋友丫!?你唔會唔理我掛!?我話::梗係唔會啦!!!我話你以後有咩事，都可以搵我!!!有唔開心都可以搵我!!!你都係丫，我相信一定有一個人比我更中意你，更加可以令你幸福既人^^"!!!佢又話::但係我想做老姑婆啦，因為除左你，我諗唔到仲有咩人會咁傻中意我，咁鍚我不過我中左6合彩我一定會同你分一人一半…有咩好既野我都會同你分亨…我既願望係我要你開心再開心…幸福再幸福!!!我話::你唔准做老姑婆丫=3="我希望你可以比而家更幸福!!!佢又話::你唔好咁講啦，我會好唔捨得你架!!!你好偉大丫，我真係好中意你!!!我低估左我自己……我話::同你分左手之後，我希望我可以做到你最好既朋友>3<"佢又話::我唔想你扮大方丫…我唔想你比我走…我唔想你咁易放棄丫!!!唉…我好失望你咁易就比我走…咁就放棄左呢一段感情…如果我一句野就放棄，我地將來點算= =?唉…我好憎你!!!我唔想因為我話分手你就想分手呀…我想你會用盡一切去留我…我想你會為左我而堅持丫!!!我就話::我估我好想比你走，離開我丫!?我想你一直留係我身邊，陪住我!!!我唔係冷血架，我都有感情，我咩都可以為你而做，但係我唯一唔可以做既就係比你離開我!!!我好愛你…你知唔知道!?我為左你，改左好多!!!雖然有好多野都仲未改好，但係我已經為你而慢慢改變緊…你唔好放棄我丫…老婆>3<"!!!佢又答::我都愛你…今日係車個度，我真係好辛苦…好唔開心好想喊……!!你話會做我永遠既好朋友囉!!!你知唔知道呢個答案既心痛呀!?我唔要你咁易放棄我!!!以後都唔可以…你知道嗎!?我真係…比實際中更愛你…就算我要走…你一定要留住我…我只係想係你身邊!!!邊度都唔想去…!!!跟住…之後慢慢就冇事了…第2日2個人照常出黎玩，仲要玩得好開心TIM……= ="

去到琴晚，有中學同學由澳洲反黎，我地成班同學一齊去左銅鑼灣間新星打邊爐!!!去之前，我送左我女朋友反工先，再會合佢地!!!食食下…我女朋友腥信息黎問我食完未!?我話就食完了!!!跟住佢就話::我好掛住你!!!咁我梗係唔洗講啦，話::好啦，就因為你呢句，我一間接你放工…你放個陣打比我啦，我行過黎搵你=3="!!!10點30度，佢放左，想去玩機鋪既大富翁，同佢玩左個幾鐘，就爆機了= ="唉……但係去玩之前，佢又問小鋒鋒唔係係上面咩，佢做咩唔落黎既!?我心諗::得我同你玩唔好咩= =係要叫埋其他人!!!仲要咩人都唔叫，係要叫佢囉!!!唉……都唔知算點囉!?冇人知…得佢知!!!不過我女朋友話唔中意佢，咁我都會相信佢!!!唉……有時我都覺得自己好傻……!!!

好似今日咁…我女朋友話想去唱K，我話好丫，無問題丫，我實冇問題既XD!!!不過係都要叫埋小鋒鋒囉，唉……不過我都相信人唔會淨係中意一個人既，最緊要係佢最中意既係我咪得囉!!!我真係唔明，點解乜都要叫埋佢呢!?我冇問過咩…佢就係MSG話::嘻嘻…我要小鋒鋒!!!我又話::唔要我啦= =!?佢答::可唔可以2個都要!?我就話::咁貪心架…佢又話:嘻…我不嬲都貪心架啦…比唔比!?我話::呵呵…唔比波!!!佢又答::我想左擁右抱丫!!!我又話::呵呵…我都想丫…不過只可以簡其中一個!!!但係佢冇答到我……佢個時反緊工，一直都冇應我!!!一個鐘頭之後，腥反黎…就話電話又就黎無電啦= ="同埋好眼訓丫!!!

唉……愛佢有時會好開心，有時見到佢笑，就會覺得咩都值得!!!但係辛苦個陣真係好辛苦，會好唔開心!!!我想問下大家有咩意見可以比下我丫!?我好想聽下人地既意見丫………

老實說,,,你篇野咁長,,,
我冇睇到,,,-  -

嘩  論文呀   相信你真係好煩腦:062:
我係咁易睇左兩段  但都睇唔到個點
:095: 你可易真接帶出個主題?

我睇在頭個一段
覺得你係為左你女朋友同緊你拍拖之後仲諗緊以前個個?
咁你咪好認真咁同佢講 話我唔鐘意咁樣
睇下佢點啦唯有-v-
不過講真我認為個女仔只係當你做水泡or原來佢當你係一個可以溝通講心事男性朋友錯誤咁諗做係鐘意

我睇晒成篇文:093:
我覺得佢有陣係你面前專登同第2個男仔做d親密既行為可能係想你係人地面前多d緊張佢- -
由佢扮野同你分手果下更加明顯@@
建議你多d表達你心聲比佢聽..
唔鐘意既就同佢講唔鐘意
你為佢付出咁多
如果佢都唔識轉個頭做少少野令你開心既話
我覺得呢個女朋友好極有限:064:

睇哂成篇文..
我覺得你同佢分手會比較好..
d咁既女仔唔要都算

你好似我個時咁呀,我女朋友都係突然話分開,我問佢係咪即係分手,佢話你鐘意點諗就點諗喇咁,雖然最後都無事
但係,呢排佢成日都覺得我講既野係串佢,佢話呢排同我一齊未開心過,我都唔知點算好

幾經辛苦睇晒你段野......
你打得咁辛苦點都比下面睇晒佢.....:012:

我覺得你對佢太好.....佢覺得你對佢好係應該咁.....
仲有...佢似特登激你想你同佢講呷醋同試你.....
你應該同佢反影下....吾好咁就佢lor....
如果佢連咁都話分手.....ed女朋友要吾要都罷....(我覺得.)

我睇完你篇野  其實個女仔係你面前同第2 D男仔講d咁既野  都係想你緊張佢姐
你又唔洗咁擔心既=]     愛情呢樣野   有開心有唔開心  先叫真愛呢!!
如果長期處於開心既狀態    會好快冇感覺   我係指麻木個隻  
好多人話拍拖最緊要開心  唔開心未散囉
呢O的係現代年青人既諗法    呢一套係冇得救  唔好跟!!
正常既戀愛  係 得過失過  痛過愛過 先會得到長久既愛

你唔需要去煩惱既什麼   至少  你會愛你女朋友先=]

戀愛應該係開心
如果你覺得辛苦既話，我勸你同佢分手吧:093:

真正愛一個人
好應該同佢分享苦興樂
包容佢所有野
唔可能只有開心
冇經歷過痛苦同困難
經不起考驗的
應該算不上真正的愛吧

至於容忍既程度
就要睇你覺得值唔值得同有幾愛佢