設為首頁 | 加到我的最愛 | 個人空間
過濾成人內容 | 傳統首頁 | 客服中心 | 幫助
日本髮型 教學 日本動漫 kiss 圖 psp dj max 2 ISO 江湖本色2 戰虫 nds攻略top 王心凌鈴聲 。﹏。良仔 信長11 2b 戀小夜 涼風 成熟 Sarah Brightman mp3 kyo3 討論區 Lideurow 楓少仔仔 誅仙 online 官網 tw 三國立志傳3免光碟檔 幸福的時光 howareu1
搜索選項索引系統工具窗
‹‹ 上一主題 | 下一主題 ››
 16 12
發新話題
打印

[消息] 投資小貼士

http://manyway.net 贊助網站載入中...
魚 男

雙魚座 酉雞 戀人 單身

聖騎士

Rank: 65Rank: 65Rank: 65Rank: 65Rank: 65

等級: 16 - 融會貫通

HP(生命值): 239 / 239

MP(魔力值): 1179 / 1179

EXP(經驗值): 96 %

熱心貢獻 百萬富翁 我行我素

11樓 大 中 發表於 2007-8-29 08:32  只看該作者 繁體化 簡體化
投資小貼士10--走勢陷阱(作者銀行大班最早於2006年9月24日在香港討論區發表)

最近幾隻新股，走勢都係先升後跌再回升，形態就好似一個英文字母「N」，於是就有分析員見到咁既情況就出來寫文章就話係「N」型走勢，話抽唔到新股唔緊要，其實善用「N」型走勢回報可能更多(俾你夠唔夠膽咁做？)，所以小弟又想發表下對LEE D睇法既意見。

其實用英文字母同符號黎形容走勢已經係由來已久，但其實咁樣分析係唔係真係有意思？大家要知道分析員係靠寫野搵飯食，所以佢地見到少少野就唔會放過，寫咗先方便交稿。其實大戶點樣玩股票係多元化既，你覺得係咁佢就黎個相反既玩法，殺過你一個措手不及。今日係「N」型，唔代表第二日唔係第二種型；再者「N」型會唔會加少少野變「M」型都係言之尚早。

小弟覺得「股票買賣」大部份時間係一種「零和遊戲(Zero Sum Game)」 ，即唔係你死就係我亡，散戶想賺大戶錢，大戶更想賺散戶錢。36計第30計「反客為主」係大戶最常用既招式，大戶善於代入散戶既角色，散戶眼見中國銀行上市初期即逐步攀升，諗住招商銀行上市首日用同一玩法，點知招行上市時大戶即黎第二個玩法，一開即推到高位，然後慢慢回順。

股票市場大致分為三派﹕基本因素分析學派，圖表分析學派同埋市場感覺學派。前兩者係較科學既派系，但當中圖表分析學派較容易跌入走勢陷阱。太過著眼於圖表走勢或追得太過貼市可能輸錢越容易，因為有時有假突破或假跌穿既出現。250天線被視為牛熊分界線，如升穿或跌穿都會視作轉勢，但事實未必一定係咁樣。

舉一個例子，2004年5月初亦曾跌穿250天線，但一個月後亦升回250天線以上，如只用圖表分析可能已經沽貨離場。



最後，想同大家講句老生常談既話，就係「圖係大戶劃出黎既」 。

此乃小弟個人意見，目的並唔係否定圖既作用，而係提醒投資者小心跌入走勢陷阱，同意與否，視乎個人選擇。

實用相關搜尋: 討論區   香港   銀行   英文   遊戲   討論   中國   新股   股票   it   

TOP

魚 男

雙魚座 酉雞 戀人 單身

聖騎士

Rank: 65Rank: 65Rank: 65Rank: 65Rank: 65

等級: 16 - 融會貫通

HP(生命值): 239 / 239

MP(魔力值): 1179 / 1179

EXP(經驗值): 96 %

熱心貢獻 百萬富翁 我行我素

12樓 大 中 發表於 2007-8-29 08:33  只看該作者 繁體化 簡體化
投資小貼士11--如何看期貨即時報價系統(作者銀行大班最早於2006年12月24日在香港討論區發表)

首先講下乜野係期指先啦，顧名思義，期指就係將來既指數，即預期既野，所以會有個「期」字，係投資市場，同將來有關既野都會加個「期」字係頭。

期指同埋恒指既分別就係在於預期現在同將來既唔同，但亦唔會相差得太遠。由於兩者係有分別，所以就出現兩個名詞﹕高水同低水既出現。

高水即期指高於恒指；低水即期指低於恒指。

係期貨市場，係有好多種產品(下列報價機列出8種主要期貨)，其中最受歡迎當然係恒生指數期貨，但由於政府規定要俾按金，而且按金對於一般散戶黎講屬於偏高水平，所以成立咗小型恒生指數期貨。由於兩者都係恒生指數期貨，所以易生混淆，於是行內人就將佢改咗個簡稱，恒生指數期貨就叫大期(恒指每升/跌一點就令參與者獲利/損失$50)；小型恒生指數期貨就叫細期(恒指每升/跌一點就令參與者獲利/損失$10)。但要留意唔好叫大型恒生指數期貨，俾人笑唔好話我同你分享。

此外，亦有兩個名詞係結單經常出現，一定要知係乜黎，首先係長倉(LONG)即買入；其次個係短倉(SHORT)即賣出。LEE個遊戲各位要做既野就係要令到長倉及短倉既數目係一致(即平倉)。

期指結算日是在每月尾二的交易日，如到期指結算日還未平倉的合約，就會自動以結算價平倉，所以係結算日或結算日前，就會出現轉倉(由即月轉下月)活動，以防自動平倉，所以市況會極為波動。

入正題啦！究竟期指即時報價系統點睇？



以上串流式期貨報價機，只要申請期貨戶口就可以免費使用。

一般黎講，每種期指報價系統都會出現兩種月份既報價，一種係即月(由於小弟執筆時間為2006年12月，所以係報價機上顯示即月月份為12/06)；另一種係下月(在報價機上顯示下月月份為01/07)。

係畫面中出現兩種英文字母，B即Bid出價(買)；A即Ask要價(賣)。
係即時報價機上可以見到一條粗黑線係正中，以分開最接近市場成交價既買同賣盤，就以大期12/06為例，在19254點有人排隊係現價出價買2張，B2即現價低1格，B3即現價低2格如此類推；相反，在19255點有人排隊係現價要價賣4張，A2即現價高1格，A3即現價高2格如此類推。但要注要差一格唔代表一定係1點之差，因為有D點數可能無人排而會1格差幾點甚至幾十點(大家睇下新華12/06，買賣差價相差46點，期權金每點$50，相差期權金即46點x$50=$2300)，所以參與者通常會玩即月期指，因參與人數多，所以每格差價會較接近。

按金要求﹕
由於按金會不停轉變，所以小弟只能提供2006年10月3日政府按金要求作參考﹕
恒生指數期貨      ﹕$54,935/張
小型恒生指數期貨﹕$10,987/張
國企指數期貨      ﹕$23,006/張
新華富時中國      ﹕$37,634/張

期貨與現貨市場有四大分別﹕
1. 政府規定要有指定按金先可以參與。
2. 可以先沽出，然後買入做平倉(即完成買賣手續)，平倉後一日後可取回按金，較股票T+2快一日。
3. 期貨市場有兩個市前指導盤時段(早上及中午)，較現貨市場多一次。如各位想了解市前指導盤時段既大概運作可參閱投資小貼士6。
4. 開市時間早現貨市場15分鐘；收市時間遲現貨市場15分鐘。

最後提醒大家，期貨市場係高風險投資，所以大家切記要小心評估自己承擔風險既能力係唔係適合參與。

實用相關搜尋: 討論區   香港   銀行   英文   遊戲   討論   中國   股票   photo   恒生   

TOP

魚 男

雙魚座 酉雞 戀人 單身

聖騎士

Rank: 65Rank: 65Rank: 65Rank: 65Rank: 65

等級: 16 - 融會貫通

HP(生命值): 239 / 239

MP(魔力值): 1179 / 1179

EXP(經驗值): 96 %

熱心貢獻 百萬富翁 我行我素

13樓 大 中 發表於 2007-8-29 08:34  只看該作者 繁體化 簡體化
投資小貼士12--如何看公司業績(作者銀行大班最早於2007年1月16日在香港討論區發表)

每間上市公司都會按時發放業績報告，但大家又究竟知唔知你地所持有股票既公司發放D乜野俾你，係唔係只係賺得越多錢越好？係賺錢之餘，究竟有乜野要注意既地方，小弟想同各版友分享一下﹕

公司既估值通常會被會計制度低估，由於﹕
會計制度以保守及不高估(Prudence)為重要原則。最受影響當然係地產股，因為地皮估值變化好大(但要留意亦不是故意低估)。
研究唔係公司既資產，只係公司既開支。最受影響當然係科技同埋藥業股，因為科技同埋藥業公司投放好多資源係科研，投放資源多可增加將來盈利，但要留意科研轉為盈利既效率。

盈利今昔比較
業績公告一定會連埋上年甚至再上一年既業績一齊顯示，用意係方便比較，邊個項目有不沉常既改變都可以一目了然，大家不妨鑽研一下。

持有其他股份公司對盈利供獻
子公司貢獻﹕由於母公司可能分拆子公司上市，子公司盈利供獻都可以起到作用，係業績入面亦可以睇到，故要留意埋子公司既質素；
持股份公司貢獻﹕有時同系或業務性質相同既公司都會互持股份，以收互相穩定股價之用，所以要睇埋該公司持有既公司質素之優劣。

要睇公司賺錢係要睇三個主要現金流既活動，D錢邊度黎都要睇清楚。
營運活動﹕公司本業既營運，最能反映公司既質素，因為始終係要靠本業賺番黎既錢先係最長遠既，否則就會俾人不務正業既感覺。此活動包括所有既盈利同支出。
投資活動﹕買賣資產會有利潤及虧損，雖然眼光獨到可以令公司盈利上升，但可唔可以次次都投資賺錢，如年年投資賺錢，今年只要平手都已經令公司盈利能力受影響，所以未必係長遠，有時投資活動只不過係用黎掩飾營運活動既不足，大家可以諗下當年「賣橙事件」而令某公司業績靚幾多。
融資活動﹕公司可能會融資黎處理即將到期既債務，大家要有一個重要既概念就係一間好賺錢既公司係可以因為冇足夠手頭現金而倒閉，所以現金流多寡對公司成敗係非常重要；此外，如果公司現金太多，可能會用黎還債以減輕利息支出或派發股息回饋股東。

點解著重睇公司現金流情況？
因為投資者、信貸人及所有對該公司有興趣既人，都希望了解該公司流動性最高既資產--錢。一D非流動性資產如廠房及機器等衡量佢地既價值都係以錢為單位，但要多一重變賣同埋找尋買家既手續先可以變回錢。如該公司可能因市場傳言而令債權人追債，公司既解決短期債務既能力就取決於此。有時有D公司會放棄利息收入或增加利息支出黎保持公司有足夠現金以應付不時之需。

派息係唔係越多越好？
派息多當然可以增加股東即時回報，但公司需要預留現金投資，派息多可能影響將來發展。因此，派息政策影響公司深遠，派得多對現時股價當然有支持，但將來股價能否獲支持則取決於公司能否用派息後剩餘既資金所製造既未來盈利。

轉換會計師樓
有時，公司會係業績公布前後轉會計師樓。轉會計師樓基本上係壞消息，因為如要跟一盤數，會計師跟開就會較熟悉，所以都係熟手做既會比較好，如轉換會計師可能有D鮮為人知既事，令到股份添上不明朗因素，只有一個情況轉會計師樓係好消息就係公司要擴大，會計由普通會計師樓轉至較大型會計師樓以提升會計質素。

實用相關搜尋: 討論區   香港   地產   銀行   討論   股票   會計   

TOP

魚 男

雙魚座 酉雞 戀人 單身

聖騎士

Rank: 65Rank: 65Rank: 65Rank: 65Rank: 65

等級: 16 - 融會貫通

HP(生命值): 239 / 239

MP(魔力值): 1179 / 1179

EXP(經驗值): 96 %

熱心貢獻 百萬富翁 我行我素

14樓 大 中 發表於 2007-8-29 08:34  只看該作者 繁體化 簡體化
投資小貼士13--好友與淡友(作者銀行大班最早於2007年1月22日在香港討論區發表)

係投資市場有兩個術語，分別係好友及淡友，好友即睇好既投資者；淡友即睇淡既投資者，究竟好友與淡友係唔係真係勢不兩立？單方面可唔可以獨立生存？小弟想同大家探討下。

首先，小弟有一個問題想問大家﹕

各位有冇諗過如果所有人想法一致，投資市場會係點？(答案在後面)

唇齒相依
投資市場點解可以運作，其實係因為同時有好友及淡友既存在，因為冇咗好友買貨，淡友又點可以出貨？相反，冇咗淡友出貨，好友又點可以有貨買？所以，大家係依賴對方既存在先可以生存，正所謂「唇亡齒寒」。

身份轉換
其實好友與淡友既身份係會係會一世唔變？天生又會係會係一方就一世都係做死一方？小弟唔排除有LEE個可能，但大部份投資者都會隨住市況而轉換身份，今日係好友，明日亦可以變做淡友。


















答案﹕
如果所有人想法一致，世界上投資市場會完全停頓*，投資市場根本唔會出現，因為如果全世界都係好友，全部人都會買貨，冇人出貨；反言亦之。


*合理假設為好友及淡友想法與行動一致，其他因素如好友睇好但無錢洗要沽貨套現等等則作別論。

係財經版，小弟經常見到版友因為大家對大市或某股持有唔同意見而出現爭執，但大家又明唔明白「唇亡齒寒」既道理？

實用相關搜尋: 討論區   香港   銀行   討論   

TOP

魚 男

雙魚座 酉雞 戀人 單身

聖騎士

Rank: 65Rank: 65Rank: 65Rank: 65Rank: 65

等級: 16 - 融會貫通

HP(生命值): 239 / 239

MP(魔力值): 1179 / 1179

EXP(經驗值): 96 %

熱心貢獻 百萬富翁 我行我素

15樓 大 中 發表於 2007-8-29 08:35  只看該作者 繁體化 簡體化
投資小貼士14--認購新股(作者銀行大班最早於2007年5月22日在香港討論區發表)


IPO全寫為Initial Public Offerings，中文即首次公開招股既意思，由於散戶參與程度越來越高，因此都想同各位分享下小弟多年既IPO經驗。

IPO既申請可以分為四種表格
1.      白表﹕
散戶去銀行取表，然後直接交回銀行，手續費全免，散戶係上市當日派信時間可直接收到實物股票(離島可能遲一日)。

經常有版友問邊度有表攞？
其實一般股份都只係會係招股首日先會知，大型招股活動時，負責人可能想避免混亂同埋方便散戶，先會較早公布。

一定要留意支票薄一定要有自己名，如無自己名既支票一定要去銀行蓋章確認先可以申請。
寫支票要注意乜野可參考第3個小貼士
http://www10.@@@@@@/viewthread.php?tid=1827860&extra=page%3D1


2.      黃表﹕
實際上再細分兩種，一種係股票行直接以你股票戶口名義申請，身份証號碼「唔會」係報紙上公布，散戶只需打一個電話就可以，非常方便，但要收手續費；

另一種係客戶直接上股票行填表，以個人名義申請，客戶需要自己出支票，身份証號碼「唔會」係報紙上公布，由於同白表情況差唔多，只係上市當日股票已直接存入戶口內，但股票行有條件唔收認購手續費。

問題﹕由於身份証號碼無係報紙公布，可能造成一些股票公平分配上既漏洞，例如546阜豐申請2萬股有2172份申請，全部至少獲1手，當中有869份可獲2手，由於無向外公布，你係唔係果869位幸運兒，只能靠股票行公布，所以大家一定要使用信譽良好既股票行。

3.      藍表﹕母公司分折子公司上市，母公司股東可優先認購股份既表格。
4. 粉紅表﹕準上市公司員工認購股份既表格。

實用相關搜尋: 討論區   香港   hp   銀行   討論   新股   股票   it   電話   投資   

TOP

funkiball 男

戀人 單身

農民

Rank: 5

等級: 3 - 馬馬虎虎

HP(生命值): 0 / 29

MP(魔力值): 17 / 120

EXP(經驗值): 94 %

16樓 大 中 發表於 2007-9-11 21:51  只看該作者 繁體化 簡體化
謝謝樓主讓我們明白了許多入門必備的管道

TOP

‹‹ 上一主題 | 下一主題 ››
 16 12
發新話題
重要聲明：本討論區是以即時上載留言的方式運作，KYO討論區對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯繫我們。KYO討論區有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。