我要投訴灼眼的夏娜o既版主(果到得一個版主)
版規發貼需知果到

06) 灼眼のシャナ是高橋彌七郎先生的作品，嚴禁將灼眼のシャナ系列中的人物/物件私有化
...我要講o既係lee條係唔俾灼眼のシャナ系列中的人物/物件私有化
,,,但係個版主個名就係叫シャナ......姐係私有化..左系列中的人物.........我想問下咁樣點成立
一係改版規...........一係唔好俾佢做版主.........一係叫佢改名

你好

已通知該名版主有關情況

請耐心等候回覆 謝謝

首先,我想你清楚"シャナ"呢個名係o係灼眼のシャナ呢個區開之前已經改o左
正確時間唔記得,總之就係o係好耐之前,連動漫區都未分出o黎就已經改o左

就以時間點來說,既然名稱係o係規則制定之前改o既
請問又點會有觸犯版規之說?
舉個例吧,o係一個無法律o既地方,一個人(a君)偷野
過多幾日,該地區先立法禁止偷野,咁a君又會唔會被起訴?
係唔會,因為就算上到法庭,都會因為"當時未有禁止偷野"o既法律而無罪
呢個例強辭奪理?ok,舉另一個
b君同c小姐發生了性行為,而性行為當日C小姐未滿十六歲
就算開庭審訊果時c小姐已經十六歲,什至已經過o左十六歲
b君都係會被裁定「衰十一」,因為事件發生果時c小姐未滿十六歲
明唔明我想講d乜?
就係「我改名果時,該版規並未制定」所以就算版規後來制定,我都無觸犯到
因為係我改名是先,而版規制定是後
假若新規則出來o既時候,舊有事件都會觸犯,
咁早前動漫貼圖區o係修改版規果時
貼圖必須最少5要圖 => 貼圖必須最少20張圖
咁一堆人就犯事了
又再舉個例,假如我而家將灼眼のシャナ版規改做發貼同回貼必須2000字/以上
咁我係唔係有權去扣之前開貼同回覆果d分?
所以,單係o係時間呢一方面o黎睇,我並沒有觸犯呢條版規

再者,呢一條條例只係"發貼需知"之一,而唔係"會員守則"之一
發貼只不過係你開設主題果時o既動作
o係我在灼眼のシャナ區發貼果陣,
有o係文章中明示或者暗示「シャナ是我的物件」嗎?
最少o係我記憶之中係無
ok,你話我發貼果時我個會員名出現o係一樓,so私有化o左灼眼のシャナ系列o既人物
會員名稱一樣=私有化? 咁你真係要好好檢討下你對詞彙o既認識
舉個例,有間店舖叫陳相記 (x) ,又有一個人叫陳相記 (y) .
x同y關沒有關係,唔通y將x私有化o左?
最基本都要有明示到,x是我的 或是 我的x 先叫私有化
另外會員名稱只不過係一個識別的代號
唔通kyo討論區o既分區版主「贄殿遮那」又觸犯o左版規?
唔通一條友叫做The World ,又係將世界私有化,要統治世界?
所以我並沒有將シャナ私有化
拉一拉去會員守則吧
4) 不得使用不雅或不恰當的暱稱及自定義頭銜（包括：任何粗言穢語或其他名人的真實姓名、字、號、藝名、筆名；機構的名稱；不文明、不健康之名字；易產生歧義、引起他人誤解之名字）
假若,一個2D o既幻想角色都可以稱之為"人類"o既話,你可以回到火星了
シャナ就是シャナ並無歧異,更加唔會有人誤解成紅色有角三倍速o既シャア,
一眼就睇得明,係一位用灼眼のシャナ入面o既シャナ為代號o既會員
唔知灼眼のシャナ o既只會知道係一位日文代號o既會員
何以見得我有明示/暗示我將佢私有化

處理方法方面
第1個:
我相信灼眼のシャナ區係大家o既地方,所以o係大家面前將佢私有化絕對係唔尊重其他人,所以無改o既必要
第2個:
kyo入面,只有少數人係「真真正正」咁愛シャナ,熟悉シャナ,
人數?一隻手數得哂,目前o係灼眼のシャナ區入面,我「完全見唔到」一位咁o既人
第3個:
我o既代號,既沒有違反版規,亦沒有違反會員守則,真的有改o既必要?
再者灼眼のシャナ由シャナo黎管理,可以令該區更有灼眼のシャナo既氣氛

投訴之前
請你先認清自己o既目的
你真係「認為我觸犯版規而投訴」的嗎?
目的自己知道就好了

你又知kyo入面.............
好少人熟悉シャナ,
你又唔係個作者

引用:

原帖由 asd01352003 於 2008-1-23 20:10 發表


我相信個作者都唔會知道

緊係唔知道喇...........
可能佢都未出

kyo特色:無視置頂貼

所有 :
不論 舉報/投訴 除當事人外其他會員禁止回覆

你問我點解知?
一年幾兩年以來o係kyo討論夏娜o既又有幾多個
而o係入面有邊幾個係真正o既粉絲又有幾多個
假若呢d野我都睇唔出
我就唔會做灼眼のシャナ區版主

[ 本帖最後由 ЁцЮ 於 2008-1-23 20:59 編輯 ]

你唔俾多左人嫁
兩隻手數到得唔得........

請hang_dee自重，唔好繼續係度做小丑

其實大家都係想係夏娜區開開心心討論姐.....
無謂搞呢d野搞到大家唔開心啦..........