http://www.kyohk.net/thread-622193-1-1.html

以上扣分本人深感不明白
戒禁是動畫內的一種專有名詞

這名會員只是在句字中有錯字 「介禁」
難道打錯一個字就足以造成扣分嗎
而且版規中沒說明這項的扣分

希望得到一個回答

打錯字都扣分?
怪怪的感覺...

[ 本帖最後由 曉婷乂 於 2008-3-20 08:38 編輯 ]

引用:

原帖由 曉婷乂 於 2008-3-20 08:36 發表
打錯字都扣分?
怪怪的感覺...

我只能說 很可怕的
我有時都唔想扣 唔夠字的人...

原本諗住打埋個意義上去會有人明
點知最後都係令我一次又一次的失望

灼眼のシャナ 本版塊平衡規條
I通用守則:
04) 為統一此系列的名稱/名詞，中文譯名必須根據台灣角川的譯法，
       未翻譯的名詞不在此限，多謝合作。
       (此規意義在於方便會員閱讀，你講悠二，佢講u2，唔知o既人係唔會明白u2=悠二)

等我親身講明呢一條o既用意吧
首先,不論回覆同發貼,唔係比自己睇的,係要比其他會員睇
假若同一個人名,每個人都有唔同講法,方便的倒是自己,但係就辛苦o左其他人
所以呢一條o既著眼點係在於方便會員觀看而設立
簡單d講就係
目的 : 方便其他會員瀏覽版面
行動 : 統一所有名詞講法,令所有名詞不會出現一種意思,多種講法
(一種意思多種講法Example:
意思:シャナ
講法:夏娜,shana,シャナ,紅色有角3倍速,シャア...等等,不能盡錄)
討論區不是只有一名會員,
只係留意自己o既利益同埋方便自己,唔通其他會員就唔洗理了嗎?

再者,我認為要認識一套動畫,係必須由基礎做起
所謂o既基礎,不用多說就是名稱了吧?
假若你連所有名稱都講錯,寫錯
你對一套動畫o既認識都係枉然
講一講我d往事吧
o係第1季果陣,我最記得字幕組對馬可西亞斯的譯法...
第1種:馬可西亞斯
第2種:丸子西亞斯
我當時重未萌上夏娜,加上我睇o既字幕組譯法係第2種
所以當時o既我就咁就理解錯o左個名
當時,唔單止係馬可西亞斯呢個名
就連Flamehaze,火炬,什至係男主角悠二,都有多種譯法
灼眼のシャナ並唔係只係有一個專有名詞 (見該區置頂貼)
錯一個就是小事,但係假若咁多個都錯哂
咁都重叫做認識嗎?
雖然,無人會對呢d名詞做測驗考試什至默書
但係所謂o既認識一套動畫
唔通只係「只是萌上人物」嗎?假若其他名詞就算寫錯,讀錯都無所謂
唔通呢d就係叫做「認識」?
嘛,所以為了加深其他會員對灼眼のシャナ呢一套動畫o既了解
同時為了向一d不了解灼眼のシャナ的會員灌輸正確的知識
個人認為呢一條版規係必須的

至於扣分行動,錯一隻字就扣分看似很無理
但係嘛.....人唔跌倒過又點會學到野
歌仔都有得唱啦「受過傷先知道要堅強」
假若錯了而不施加懲罰
到最後只會係繼續錯下去而已
由於只是編輯對錯了的人來說是得不到正確的知識
但係以禁言當懲罰的話又會太重同埋被人認定濫用權力
所以我采取了扣分
能夠令會員痛,但又不是太嚴重
我只係相信痛過,就有一定機率會改
唔痛,只會繼續錯下去

我唔否認我係一名シャナ廚,版規有點嚴
但係嘛,對於一個由魔獸做主題的討論區
動漫區只是一個附屬品
要令動漫區做到好似其他以ACG為主的動漫討論區咁成功,有質素
一定程度o既規範同埋守則係必須的
我希望最少灼眼のシャナ呢一區會走向質素呢一方面
而唔係水化呢一方面
由葉神的:「光是說漂亮的話是改變不了世界」
所以,我用行動實踐,即使我明白會流失人流呢一點都係一樣

講解完畢,以上

[ 本帖最後由 ЁцЮ 於 2008-3-20 11:33 編輯 ]

對 , 即使外國英文名譯為中文名 ,

其接近英文音的中文名大多數也差不多。

但其實版主可以幫會員修正錯字 , 這樣不是更好a_a?

[ 本帖最後由 白綾 於 2008-3-20 11:03 編輯 ]

嘛
個人一直主張自學
因為就算人地點迫自己,自己唔肯學都係無用
o係我個人o既觀點與立場
就係希望會員由「跌倒=>站起來」呢個過程中學習
同時就係覺得,唔痛唔會學到野
假若只係幫會員修正錯字,佢自己唔改
下一次佢只會重覆相同o既錯而已
我地又可以幫佢改得幾多次?
佢唔改o既話到頭o黎都係我地白做而已
所以我藉由「扣分」呢個「痛」o既過程去令會員知道自己錯邊度,
學唔學就要睇佢自己,但係佢會明白再錯的話只會痛多次而已
以上