獨白: 我想同大家講一個愛情故事  呢個故事係關於3個人
三個好好嘅朋友  非常聰明嘅  Tony  好怕醜嘅小崎
同一個曾經非常孤獨嘅女仔  Kristy
呢三個人因為音樂而認識
一齊夾Band  一齊食飯  一齊笑  一齊喊
佢地一齊過咗一段好開心嘅日子
但係男同女好難做到純粹嘅友誼
慢慢三個人嘅關係開始有咗變化
小崎鍾意Kristy  但係Kristy又鍾意咗Tony
之後又去到吖Tony反鍾意返Kristy
但去到個陣  Kristy已經鍾意咗
原來一直守護住自己嘅小崎
只不過係三個人嘅關係其實已經好複雜

崎: 喂..Kristy..做麽你係度嘎?
K: 你條死仔..同我即刻死過嚟吖..
崎: 你做咩吖.?
K: 吖崎..你企係度..我有嘢同你講吖..
崎: 哇我唔係有嘢得罪你吖哇..
K: 我想講..我好鍾意你吖..

K: 你坐埋啲喇..
崎: 你唔係鍾意Tony嘎咩.?
K: 我曾經係好鍾意佢..佢好好..好完美嘅一個男仔..
K: 但係只有你..會係我唔開心嘅時候陪我..
K: 女仔吖..鍾意男朋友叻..
崎: 但更加需要男朋友錫..咁你鍾意我啲咩吖..
K: 嗯..錫我..俾我詐嬌囉..同你一齊開心囉..
崎: 哦..原來你咁鍾意我嘅..咁我地幾時結婚先.?
K: 呵..痴線..
崎: 第日生幾多個BB吖.?
K: 你係咪想死吖.?

獨白: 同大部份三角關係一樣  最少有一個係輸家
而今次輸嗰個叫Tony  最後Tony明白Kristy嘅選擇
三個人都繼續做返好朋友  而小崎同Kristy從此快快樂樂咁生活


但係可能十年後  Tony諗返以前發生嘅事
個心仍然會隱隱痛  後悔點解一開始冇把握好機會
將自己嘅幸福斷送  故事會完  可惜記憶係唔會完嘎

我係Tony

這是真人真事嗎????